کرناٹک اسمبلی میں بی جے پی رکن اسمبلی اُمیش کٹی گٹکھے کا پاؤچ پھاڑتے ہوئے کیمرے میں قید

کرناٹک اسمبلی میں بی جے پی رکن اسمبلی اُمیش کٹی گٹکھے کا پاؤچ پھاڑتے ہوئے کیمرے میں قید ہوگئے ۔اس کے بعد کافی ہنگامہ مچا اور رکن اسمبلی کو اس بات پر صفائی دینی پڑی ۔یہی نہیں پارٹی کی جانب سے انھیں شرمندگی بھی ہوئی ۔اس درمیان اسمبلی میں ہنگامہ بھی ہوا۔رکن اسمبلی کی نظر جیسے ہی کیمرے پر گئی‘ وہ گٹکھا چھپانے لگے ۔چوری پکڑے جانے کے بعد مسٹر اُمیش کٹی نے صفائی دیتے ہوئے کہا کہ انھیں سپاری کھانے کی عادت ہے اور انھوں نے اسمبلی میں گٹکھے کے پیاکٹ کو صرف پھاڑا



تھا ‘کھایا نہیں تھا ‘لیکن بی جے پی کو اپنے رکن اسمبلی کی صفائی راس نہیں آئی اور اس نے کٹی کو آگے سے اس طرح کی حرکت نہیں کرنے کی سختی کے ساتھ تاکید کی۔اس درمیان کرناٹک اسمبلی میں ریاستی وزیر برائے سماجی بہبود مسٹر انجینیا کو ہٹانے کے مطالبہ کو لے کر بی جے پی نے ہنگامہ کیا ‘اراکین ا سمبلی ایوان کے ویل آکر اپنا مطالبہ رکھا ۔ غور طلب ہے کہ کانگریس کے وزیر ایک اسٹنگ آپریشن میں پھنسے ہوئے ہیں ‘اس معاملہ کی تحقیقات چل رہی ہیں ۔***

تصویر ای میل :کرناٹک اسمبلی میں بی جے پی رکن اسمبلی اُمیش کٹی گٹکھے کا پاؤچ پھاڑتے ہوئے کیمرے میں قید ہوگئے